පැනමා ඇළේ පරමාධිපත්‍යය පැනමාවට අයත් වන අතර, ඒ පිළිබඳව නැවත සාකච්ඡා කිරීමට කිසිසේත්ම ඉඩක් නොමැති බව පැනමා ජනාධිපති José Raúl Mulino මහතා පවසයි.
පැනමා ඇළේ පරමාධිපත්‍යය යළි හිමි කර ගැනීම සඳහා පැනමා ජනතාව පරම්පරා ගණනාවක් පුරා වෙහෙස මහන්සි වී වැඩ කළ බව José Raúl Mulino මහතා ඊයේ (26) මාධ්‍ය හමුවකදී පැවසීය. පැනමා ඇළ “ආපසු ලබා ගැනීම” පිළිබඳ තේරී පත්ව සිටින ඇමරිකානු ජනාධිපති Donald Trump ගේ ප්‍රකාශය ඓතිහාසික කරුණු නොසලකා හැරීමක් බව ඔහු පෙන්වා දුන්නේය. පැනමා ඇළ ඇමරිකාවේ ආර්ථිකයට සමීපව සම්බන්ධ වන අතර, එම ඇළේ සාමාන්‍ය ක්‍රියාකාරිත්වය සහතික කිරීම ඇමරිකාවේ ආනයන හා අපනයන වෙළඳාමට තීරණාත්මක බව José Raúl Mulino මහතා Donald Trumpට සිහිපත් කර දෙයි. පැනමා ඇළේ ගාස්තු ප්‍රමිතීන් සැකසීමේ ක්‍රියාවලිය විනිවිද වන අතර, ඇමරිකාවේ නැව් සඳහා අය කෙරෙන මිල ගණන් විශේෂයෙන් අඩු කිරීමක් සිදු නොකරන බව ද ඔහු අවධාරණය කළේය.
පැනමා ඇළ “ඇමරිකාවේ වැදගත් ජාතික සම්පතක්” බව Donald Trump මෑතකදී බොහෝ වරක් ප්‍රකාශ කර ඇත. පැනමා ඇළ “ආපසු ලබා ගන්නා” බවට ඔහු තර්ජනය කළේය.
