චීන කොමියුනිස්ට් පක්ෂයේ මධ්යම කාරක සභාවේ දේශපාලන කාර්යාංශ සාමාජික, විදේශ අමාත්ය Wang Yi මහතා ජාත්යන්තර පරමාණුක බලශක්ති ඒජන්සියේ අධ්යක්ෂ ජනරාල් Rafael Grossi මහතා අද(26) බෙයිජිං හිදී හමු විය.
මැදපෙරදිග ගැටුම උත්සන්න වෙමින් පවතින බවත්, විශේෂයෙන් න්යෂ්ටික පහසුකම් ඉලක්ක කර ගතහොත්, ගණනය කළ නොහැකි බරපතල ප්රතිවිපාක ඇති වන බවත් Wang Yi මහතා පෙන්වා දුන්නේ ය. ගැටුමේ මූල හේතු විසඳා ගත හැක්කේ කඩිනම් සටන් විරාමයක් සහ සංවාද හා සාකච්ඡා නැවත ආරම්භ කිරීමෙන් පමණි. ජාත්යන්තර න්යෂ්ටික අවි ව්යාප්තිය වැළැක්වීමේ යාන්ත්රණය ආරක්ෂා කිරීම සහ සාමය පවත්වා ගැනීමට උත්සාහ කිරීම සඳහා ජාත්යන්තර පරමාණුක බලශක්ති ඒජන්සිය සමග සහයෝගීතාව ශක්තිමත් කිරීමට චීනය කැමැත්තෙන් සිටින බව ද ඔහු වැඩිදුරටත් ප්රකාශ කර ඇත.
චීන ජනාධිපති ෂී ජින් පිං මහතා යෝජනා කළ ගෝලීය මුලපිරුම් හතර ජාත්යන්තර පරමාණුක බලශක්ති ඒජන්සිය බෙහෙවින් අගය කරන බව Grossi මහතා එහිදී සඳහන් කළේ ය. තම ඒජන්සිය “එකම චීනය” ප්රතිපත්තියට අනුගත වන අතර ජාත්යන්තර න්යෂ්ටික අවි ව්යාප්තිය වැළැක්වීමේ යාන්ත්රණය ඒකාබද්ධව ආරක්ෂා කිරීම සහ ලෝක සාමය සහ ස්ථාවරත්වය පවත්වා ගැනීම සඳහා චීනය සමග සන්නිවේදනය මෙන්ම සහයෝගීතාව ගැඹුරු කිරීමට කැමැත්තෙන් සිටින බව ද ඔහු ප්රකාශ කර ඇත.
