චීන මාධ්ය සමූහය සහ ශ්රී ලංකාවේ චීන තානාපති කාර්යාලය සම-සත්කාරත්වයෙන් සංවිධාන කළ ‘නවෝත්පාදනය, විවෘතභාවය සහ පොදු සංවර්ධනය’ පිළිබඳ ගෝලීය සංවාදයේ ශ්රී ලංකාවේ වැඩසටහන කොළඹහිදී පසුගිය 28 වැනිදා පැවැත්විණ.
චීන කොමියුනිස්ට් පක්ෂයේ මධ්යම කාරක සභාවේ ප්රචාරක දෙපාර්තමේන්තුවේ උපප්රධානි, චීන මාධ්ය සමූහයේ අධ්යක්ෂ ජනරාල් Shen Haixiong මහතා ඒ සඳහා වීඩියෝ ආකාරයෙන් දේශනයක් සිදු කළ අතර ශ්රී ලංකාවේ චීන තානාපති Qi Zhenhong මහතා ද එහිදී දේශනයක් පැවැත්වීය.
දේශපාලන, ව්යාපාරික, ශාස්ත්රීය, අධ්යාපන සහ මාධ්ය කවවල චීන සහ ශ්රී ලාංකික ආරාධිතයින් හා ශිෂ්ය නියෝජිතයින් 100 කට වැඩි පිරිසක් එම අවස්ථාවට එක්වූහ.
ගෝලීය අවධානයට ලක්වූ චීන කොමියුනිස්ට් පක්ෂයේ 20 වන මධ්යම කාරක සභාවේ සිව්වන පූර්ණ සැසිවාරයෙන්, චීනය ඉහළ මට්ටමේ විවෘතභාවය පුළුල් කරමින් ජයග්රාහී සහයෝගීතාවයේ නව ප්රවේශයක් නිර්මාණය කරන බව නැවත වරක් ලොවට ප්රකාශ කෙරුණු බව Shen Haixiong මහතා දේශනය සිදු කරමින් පැවසීය. චීන මාධ්ය සමූහය ද හවුල්කරුවන් සමඟ සංජානන හැකියාවන් රැස්කර ඒකාබද්ධව සාකච්ඡා සිදු කරන ගෝලීය වේදිකා ගොඩනැගීමට පියවර ගනු ඇත. නව යුගයේ චීනයේ නවෝත්පාදන ගම්යතාවය ලෝකය සමඟ බෙදා ගැනීමට චීන මාධ්ය සමූහය කැප වන බවද Shen Haixiong මහතා පෙන්වා දුන්නේය.
ශ්රී ලංකාවේ රජයේ රූපවාහිනි නාලිකා වන ජාතික රූපවාහිනිය සහ ITN ඇතුළු 10 කට වැඩි රටවල හා කලාපවල මාධ්ය ආයතන 100කට ආසන්න ප්රමාණයක් මෙම වැඩසටහන වාර්තා කර ඇත.
