චීන ජා‍තික මහජන කොංග්‍රසය හා රුසියානු සමූහාණ්ඩුවේ ෆෙඩරල් සභාව අතර පූර්ණ ඉහළ මට්ටමේ සහයෝගතා යාන්ත්‍රණ සහ වේදිකා ගොඩනංවමින් අඛණ්ඩව සබඳතා ශක්තිමත් කළ යුතු බව අවධාරණය කෙරේ. චීන ජා‍තික මහජන කොංග්‍රසයේ ස්ථාවර කමිටු සභාපති Zhao Leji මහතා මේ බව සඳහන් කළේ රුසියානු ඩූමා මණ්ඩල සභාපතිවරයා සමග චීන – රුසියා පාර්ලිමේන්තු සහයෝගා කමිටුවේ 10වන රැස්වීමේ මුලසුන දරමිනි. එය බෙයිජිංහිදී පැවැත්විණ. දෙරටේ නායකයන්ගේ උපායමාර්ගික මාර්ගෝපදේශනය යටතේ චීන රුසියා පරිපූර්ණ උපායමාර්ගික සම්බන්ධීකරණය අඛණ්ඩව නව යුගයේ හිතකර, ස්ථාවර හා ඉහළ මට්ටමේ සංවර්ධන විභවයක් අත්කර ගෙන ඇති බවද Zhao Leji මහතා සඳහන් කළේය.
එහිදී අදහස් දැක්වූ රුසියානු ඩූමා මණ්ඩල සභාපති Vyacheslav Volodin මහතා දෙරටේ නායකයන් එළඹි එකඟතාවන් චීන ජා‍තික මහජන කොංග්‍රසය සමග එක්ව ක්‍රියාවට නැංවීමට රුසියානු ඩූමා මණ්ඩලය කැමැත්තෙන් සිටින බව පැවසීය. ව්‍යාපාරික පරිසරය ප්‍රශස්ත කි‍රීම, සංස්කෘතික හුවමාරු ප්‍රවර්ධනය, මෙන්ම දෙවන ලෝක යුද්ධයේ නිවැරිදි ඓතිහාසික දර්ශනය සුරැකීමට එය පිටුබලයක් වනු ඇතැයි ද හෙතෙම කීය.
