ජපන් ආක්‍රමණික හමුදාවට අයත් 731 ඒකකය බැක්ටීරියා යුද්ධය දියත් කළ බවට ඇති සාක්ෂි ප්‍රතික්ෂේප කළ නොහැකි බව චීන විදේශ අමාත්‍යාංශ ප්‍රකාශිකා Mao Ning මහත්මිය පවසයි.
රුසියානු ෆෙඩරල් ආරක්ෂක සේවය පසුගියදා ජපන් ආක්‍රමණිකයන් චීනයේ සිදු කළ මානව අත්හදා බැලීම්වල අපරාධ හෙළි කෙරෙන රහසිගත ලේඛන නිකුත් කළේය. අද (21) පැවති නිත්‍ය මාධ්‍ය හමුවේ දී වාර්තාකරුවෙකු මේ සම්බන්ධයෙන් නැඟූ ප්‍රශ්නයට පිළිතුරු දෙමින් Mao Ning මහත්මිය ඒ බව පැවසුවාය.
ජපන් ආක්‍රමණයට එරෙහි චීන ජනතා යුද්ධයේ සහ ලෝක ෆැසිස්‍ට්වාදී විරෝධී යුද ජයග්‍රහණයේ 80 වන සංවත්සරය මෙම වසරේ සනිටුහන් වන බව Mao Ning මහත්මිය පැවසුවාය. තම ආක්‍රමණශීලී ඉතිහාසය ගැඹුරින් මෙනෙහි කරන ලෙසත්, චීනයේ සහ අනෙකුත් වින්දිත රටවල ජනතාවගේ හැඟීම්වලට සැබවින්ම ගරු කරන ලෙසත් චීනය ජපානයෙන් ඉල්ලා සිටින බව ඇය සඳහන් කළාය. එමෙන්ම, ජපානය ප්‍රායෝගිකව ක්‍රියා කරමින් මිලිටරිවාදය සම්පූර්ණයෙන්ම බැහැර කළ යුතු බවත්, ඉතිහාසයේ වැරදි නැවත නොකළ යුතු බවත් ඇය පැවසුවාය.
