වසර විස්සකට පෙර අද වැනි දිනයක් වූ 2005 අගෝස්තු 15 වන දින, චීනයේ Zhejiang පළාත් කොමියුනිස්ට් පක්ෂ කමිටුවේ එවක ලේකම් ෂී ජින් පිං මහතා, එහි Yucun ගම්මානය නිරීක්ෂ‍ණ චාරිකාවක නිරත විය. පතල් වසා දැමීම සහ දූෂිත ද්‍රව්‍ය මුදා හරින ව්‍යවසායන් වසා දැමීමේ දේශීය පිළිවෙතට ෂී ජින් පිං මහතා එහිදී සිය අනුමැතිය පළ කළේ ය. “පිරිසිදු ජලය සහ සශ්‍රීක කඳු යනු මිල කළ නොහැකි සම්පත් වේ” යන විද්‍යාත්මක යෝජනාව හෙතෙම එහිදී ප්‍රථම වරට ඉදිරිපත් කළේය.
ඒ කාලයේ චීනයේ ආර්ථිකය වේගයෙන් වර්ධනය වෙමින් පැවති අතර, කාර්ය ගුණාත්මකභාවය විනිශ්චය කිරීම සඳහා දළ දේශීය නිෂ්පාදිතය තීරණාත්මක මිනුමක් විය. චීනය අනුගමනය කළ යුතු මාර්ගය කුමක්ද? සංවර්ධනයේ අරමුණ කුමක්ද? රට පුරාම මෙම ප්‍රශ්නවලට පිළිතුරු සොයමින් පැවතිණ.
ලාභ සහ පාඩු පැවති‍යද නොසැලී තමන්ගේම මාවත ස්ථිරව අනුගමනය කළ යුතු බවට ෂී ජින් පිං මහතා Yucun ගම්මානයේ නිලධාරීන් දිරිමත් කළේය. සංවර්ධනය විවිධත්වයෙන් යුතු විය අතර, තිරසර සංවර්ධන මාවත අනුගමනය කළ යුතු බව, හෙතෙම එහිදී සඳහන් කළේ ය.
පසුගිය වසර 20 තුළ “ද්විත්ව කඳු සංකල්පය” යටතේ, Yucun ගම්මානය ජෛව පරිසරය යථා තත්ත්වයට පත් කරමින්, සංචාරක හා හරිත කර්මාන්ත සංවර්ධනය සඳහා වෙහෙස වී ක්‍රියා කර තිබේ.
වර්තමානයේ Yucun ගම්මානය සශ්‍රීක හරිත පැහැයෙන් පිරී ඇති අතර, ජීවත්වීමට, සංචාරයට සහ ව්‍යාපාර ආරම්භ කිරීම සඳහා සුදුසු හා ප්‍රකට ගම්මානයක් බවට පත්ව ඇත.
මෙම වසර 20 තුළ, නැගෙනහිර සිට බටහිරට, උතුරේ සිට දකුණට, “ද්විත්ව කඳු සංකල්පය” මඟ පෙන්වීම යටතේ, චීනය පුරා හරිත පාරිසරික සිතුවමක් නිර්මාණය වී තිබේ.
