“2025 චීන ව්‍යාපාර පරිසරය පිළිබඳ සමීක්ෂණ වාර්තාව” නිකුත් කෙරේ. ඇමරිකානු-චීන ව්‍යාපාරික කවුන්සිලය එම වාර්තාව ඊයේ(16) නිකුත් කළේ ය. චීන-ඇමරිකානු සබඳතා සහ තීරුබදු බලපෑම ඇමරිකානු සමාගම් මුහුණ දෙන ප්‍රධාන අභියෝග බවත්, සමාගම්වල ගෝලීය තරඟකාරිත්වය පවත්වා ගැනීම සඳහා චීන වෙළඳපොළ තවමත් ඉතා වැදගත් බවත් එම වාර්තාවේ සඳහන් වේ.
සමීක්ෂණයට එක් වූ සමාගම්වලින් 40% ක් පමණ සඳහන් කර ඇත්තේ ඇමරිකාවේ අපනයන පාලන ප්‍රතිපත්තිය තමන්ට අහිතකර ලෙස බලපා ඇති බවයි. එමෙන්ම එම සමාගම්වලින් 80% ක් චීන වෙළඳපොළ වෙනුවෙන් චීනය තුළ ආයෝජනය සිදු කර ඇති බව සඳහන් කර ඇත. ඒ අතරම, සියලුම සමාගම් පාහේ විශ්වාස කරනුයේ සිය ව්‍යාපාරික කටයුතු චීනය තුළ ක්‍රියාත්මක කිරීම තම ගෝලීය තරඟකාරිත්වය පවත්වා ගැනීම සඳහා අත්‍යවශ්‍ය බවයි.
