චීනයේ 14 වන පස් අවුරුදු සැලසුම් කාලය වන 2021-2025 කාලයේ චීන ආර්ථික වර්ධනය යුවාන් ට්‍රිලියන 35 ඉක්මවනු ඇති බවට පුරෝකථනය කෙරේ. චීන ජාතික සංවර්ධන හා ප්‍රතිසංස්කරණ කොමිසමේ සභාපති Zheng Shanjie මහතා අද(09) පැවති මාධ්‍ය හමුවකදී මේ බව පැවසීය. එමගින් චීනයේ ස්ථාවර සංවර්ධන ප්‍රගතිය තහවුරු වනු ඇත.
මෙතරම් විශාල ප්‍රමාණයකින් සහ වර්ධන ධාරිතාවයකින් යුත් ආර්ථිකයක් හිමි චීනයට, විවිධ අවදානම් සහ අභියෝග හමුවේ වුව ද මෙවැනි වර්ධන වේගයක් පවත්වා ගැනීමට හැකි වීම ලෝක ආර්ථික වර්ධන ඉතිහාසයේ පෙර නොවූ විරූ විශේෂ අවස්ථාවක් සනිටුහන් කිරීමක් වන බව ද ඔහු පවසා ඇත.
