චීන කොම්යුනිස්ට් පක්ෂ මධ්‍යම කාරක සභාවේ මහ ලේකම් සහ චීන ජනාධිපති ෂී ජින් පිං මහතා වියට්නාම කොම්යුනිස්ට් පක්ෂ මධ්‍යම කාරක සභාවේ මහ ලේකම් To Lam මහතාට සමුදෙයි. ඒ, අද (15) පෙරවරුවේ ෂී ජින් පිං මහතා වියට්නාමයේ නිල සංචාරය අවසන් කිරීම නිමිත්තෙනි.
සිය සංචාරය ක්‍රියාකාරකම් රැසකින් සමන්විත කෙටි සංචාරයක් වුවද, ඉන් පොහොසත් ප්‍රගතීන් ලබා ඇති බව ෂී ජින් පිං මහතා පෙන්වා දුන්නේය. චීන-වියට්නාම සබඳතා වර්ධනය සඳහා වන අපේක්ෂාවන් පිළිබඳව තමාට පූර්ණ විශ්වාසයක් ඇති බව ඔහු පැවසීය. මෙම සංචාරයේ එකඟතාවන් දෙපාර්ශ්වයම සම්පූර්ණයෙන්ම ක්‍රියාත්මක කළ යුතු බවත්, පොදු ඉරණමක් සහිත චීන-වියට්නාම ප්‍රජාවක් ගොඩනැගීම අඛණ්ඩව ඉදිරියට ගෙන යා යුතු බවත් ඔහු පැවසීය.
පොදු අවධානයට ලක්වන ප්‍රධාන ගෝලීය සහ උපායමාර්ගික කරුණු පිළිබඳව දෙපාර්ශ්වය ගැඹුරින් අදහස් හුවමාරු සිදු කළ බවත්, වැදගත් එකඟතාවන් රැසකට එළඹි බවත් To Lam මහතා පැවසීය. ඉන් පක්ෂ දෙක සහ රටවල් දෙක අතර උපායමාර්ගික සහයෝගීතාව ඵලදායී ලෙස ප්‍රවර්ධනය කෙරේ. එමගින් අවදානම් සහ අභියෝග ජය ගැනීම සම්බන්ධයෙන් වියට්නාමයේ විශ්වාසය ශක්තිමත් කර ඇති අතර, දෙරට ජනතාව අතර මිත්‍රත්වය නව තලයකට ඔසවා ඇති බවද ඔහු පැවසීය.
අද (15) පස්වරුවේ ෂී ජින් පිං මහතා සිය වියට්නාම නිල සංචාරය අවසන් කළේය. හෙතෙම Hanoi නුවරින් පිටත්ව යන අවස්ථාවේ, වියට්නාම අග්‍රාමාත්‍ය Pham Minh Chinh මහතා ඇතුළු පිරිසක් ඔහුට සමුදීමට ගුවන් තොටුපළට පැමිණියහ.
