මෙම සතියේදී ග්‍රීන්ලන්තයේ නිල සංචාරයක් සඳහා ඇමරිකා උප ජනාධිපතිවරයාගේ බිරිඳගේ සැලැස්මකට අනුව ඇමරිකානු නියෝජිත පිරිසක් යොමු කරවීමේ සූදානමක් පවතින බව වාර්තා වේ. ඊයේ(24) ඩෙන්මාර්ක් විදේශ අමාත්‍ය Lars Rasmussen මහතා එය විවේචනය කරමින් කියා සිටියේ මෙම ක්‍රියාව ඇමරිකානුවන්ගේ නුසුදුසු ආශාවන් පිළිබිඹු කරන බවයි.
ඇමරිකාවේ උප ජනාධිපතිවරයාගේ බිරිඳ වන Usha Vance මහත්මියගේ කාර්යාලය 23 වැනිදා නිවේදනය කළේ ඇය ඇතුළු නියෝජිත පිරිස 27 වැනිදා ග්‍රීන්ලන්තයට පිටත්ව යන බවයි. ඇමරිකා ජනාධිපතිවරයාගේ ජාතික ආරක්ෂක උපදේශක Michael Waltz මහතා සහ බලශක්ති කටයුතු පිළිබඳ ලේකම් Christopher Wright මහතා ද මෙම සංචාරයට එක්වන බව ඇමරිකාවේ මාධ්‍ය ආයතන කිහිපයක් වාර්තා කර තිබේ.
ඊට ප්‍රතිචාර දක්වමින් Rasmussen මහතා ඊයේ(24) පැවති මාධ්‍ය සාකච්ඡාවකදී මෙම පියවර විවේචනය කළේ ය.
Usha Vance සහ Michael Waltz වෙත කිසිදු රැස්වීමකට ආරාධනා කර නොමැති බව ග්‍රීන්ලන්ත අගමැති Mute Egede මහතා පසුගිය 23 වැනිදා මාධ්‍ය වෙත ප්‍රකාශ කළේ ය. ඔහු ඇමරිකාවේ මෙම විධිවිධාන පැහැදිලි පීඩනයක් සහ ප්‍රකෝප කිරීමක් බව සඳහන් කරමින් එය විවේචනය කළ අතර, ඇමරිකානු ක්‍රියාව අතිශයින්ම ආක්‍රමණශීලී ක්‍රියාවක් ලෙස හඳුන්වා ඇත.
