චීන කොමියුනිස්ට් පක්ෂ මධ්‍යම කාරක සභාවේ දේශපාලන කාර්යාංශයේ ස්ථාවර සාමාජික, චීන ජාතික මහජන කොංග්‍රසයේ ස්ථාවර කමිටුවේ සභාපති Zhao Leji මහතා චීන Zhi Gong පක්ෂයේ, විදේශගතව සිට ආපසු පැමිණි චීන ජාතිකයින්ගේ සමස්ත චීන සම්මේලනයේ සහ විදේශ රටවල් සමඟ මිත්‍රත්ව අංශයේ චීන මහජන දේශපාලන උපදේශක සභාවේ ජාතික කමිටුවේ සාමාජිකයන් සහභාගී වූ ඒකාබද්ධ කණ්ඩායම් රැස්වීමකට සහභාගී වෙයි.
2024 වසරේදී, බහුවිධ දුෂ්කරතා සහ අභියෝග හමුවේ, ජනාධිපති ෂී ජින්පිං මහතා කේන්ද්‍ර කරගත් චීන කොමියුනිස්ට් පක්ෂයේ මධ්‍යම කාරක සභාව නිවැරිදි දිශාවේ ඉදිරියට ගොස් ඇති බවත්, චීන ආර්ථික හා සමාජ සංවර්ධනයේ ප්‍රධාන ඉලක්ක සහ කාර්යයන් සාර්ථකව නිම කළ බවත් Zhao Leji මහතා පැවසීය. චීන කොමියුනිස්ට් පක්ෂයේ නායකත්වය දීර්ඝ කාලයක් පවත්වා ගෙන යා යුතු බව ද ඔහු අවධාරණය කළේය. එමෙන්ම, ප්‍රතිසංස්කරණ අංගසම්පූර්ණ ලෙස තවදුරටත් තහවුරු කිරීමට සහ උසස් තත්ත්වයේ සංවර්ධනය ප්‍රවර්ධනය කිරීමට දායක වීම සඳහා සමාජයේ විවිධ ක්ෂේත්‍රවල ශක්‍යතාවන් උපයෝගී කර ගෙන, විදේශීය චීන ජාතිකයින්ගේ ශක්තිය එක්සත් කළ යුතු බව ද ඔහු අවධාරණය කළේය.
