චීනයේ සත්කාරකත්වයෙන් 12 වන ලෝක ක්‍රීඩා උළෙල සඳහා අවශ්‍ය කටයුතු විධිමත් ලෙස සූදානම් කෙරේ.
එම ක්‍රීඩා උළෙල ලබන අගෝස්තු මස 7 වැනි දා චීනයේ Sichuan පළාතේ Chengdu නගරයේ දී ආරම්භ වීමට නියමිත ය. අද(29) සිට එහි දින 100ක අවරෝහණය ඇරඹේ. ලෝක ක්‍රීඩා උළෙල යනු ඔලිම්පික් නොවන ඉසව් සඳහා වන, ඉහළම මට්ටමේ ජාත්‍යන්තර තරගාවලියයි.
මෙවර ලෝක ක්‍රීඩා උළෙලේදී තරග කාණ්ඩ 34ක් යටතේ ඉසව් 255ක් පැවැත්වීමට අපේක්ෂා කෙරේ. දැනටමත් අදාළ ක්‍රීඩාංගන සකස් කිරීමේ කටයුතු ද විධිමත් ලෙස සිදු කෙරෙමින් පවතී.
එමෙන්ම එහි ඉසව් 152ක් සඳහා තරග වැදීමට චීන ක්‍රීඩක ක්‍රීඩිකාවෝ 330ක පමණ පිරිසක් සූදානමින් සිටිති. ලෝක ක්‍රීඩා උළෙලට එක් වූ දා සිට මේ දක්වා චීන නියෝජිත කණ්ඩායම වැඩිම තරග ඉසව් ගණනක් සඳහා එක්වීමේ හා වැඩිම ක්‍රීඩක සංඛ්‍යාවක් සහභාගී වන අවස්ථාව මෙයයි.
