යුක්රේන අර්බුදයට අදාල පාර්ශ්වයන් සාකච්ඡා හරහා සාමයට ප්රවේශය සොයා ගත යුතු යැයි එක්සත් ජාතීන්ගේ චීන නියෝජ්ය නිත්ය නියෝජිත Sun Lei මහතා පවසයි. ඔහු එසේ පැවසුවේ ඊයේ(23) ආරක්ෂක මණ්ඩලයේ යුක්රේන ගැටලුව පිළිබඳ සමාලෝචනයේදී දේශනයක් කරමිනි.
මෙම වසර ආරම්භයේ සිට යුක්රේන ගැටලුව සම්බන්ධයෙන් සංවාද රැසක් පැවැති බවත් චීනය මෙය පිළිගන්නා බවත් Sun Lei මහතා පැවසීය. රුසියාව සහ යුක්රේනය සිය මූලික සහ දිගුකාලීන ජාතික අවශ්යතා සහ එකිනෙකාගේ හේතුසහගත සැලකිල්ල සිහියට ගෙන, හැකි ඉක්මනින් පුළුල්, කල් පවතින සහ බැඳීම් සහිත සාම ගිවිසුමකට එළඹීමට උත්සාහ කිරීම සඳහා චීනය එම රටවල් දෙක දිරිමත් කරන බව ඔහු කීය.
යුක්රේන අර්බුදය සැබවින්ම යුරෝපයේ ආරක්ෂක හිඟය සහ අවිශ්වාසය දිගුකාලීනව වර්ධනය වීමේ සහ අඛණ්ඩව පිරිහීමේ ප්රතිඵලයකි. අදාළ සියලුම පාර්ශ්වයන් අර්බුදයෙන් ඉගෙන ගනිමින් යුරෝපයේ කල් පවතින සාමය සහ ස්ථාවරත්වය ළඟා කර ගැනීම සඳහා සමබර, ඵලදායී සහ තිරසර කලාපීය ආරක්ෂක ව්යුහයක් ගොඩනැගීම ප්රවර්ධනය කළ යුතු බව ද චීන නියෝජිතයා එහිදී පෙන්වා දී තිබේ.
