චීන ජනාධිපති ෂී ජින්පිං මහතා ඊයේ(10) බෙයිජිං නගරයේ Xicheng දිස්ත්රික්කයේ පිහිටි වැඩිහිටි ප්රජාව සඳහා වෙන් වූ ආපන ශාලාවකට පැමිණ එහි විවේක ගනිමින් සිටි කුරියර් සේවකයින් හමු විය. ජනාධිපතිවරයා එහිදී ඔවුන්ගේ රාජකාරි කටයුතු හා දෛනික ජීවිතය පිළිබඳව සැලකිලිමත්ව විමසීය. වෙහෙසකාරී වුවත් ඔවුන් ලබා දෙන සේවය සහ සමාජය වෙනුවෙන් සිදු කරනු ලබන කැපකිරීම් බෙහෙවින් අගය කළ ෂී ජින්පිං මහතා එම කුරියර් සේවකයින් වෙත අලුත් අවුරුද්දේ සුබ පැතුම් පිරිනැමුවේය.
වසන්ත උත්සවයකට පෙර ෂී ජින්පිං ජනාධිපතිවරයා කුරියර් සේවක පිරිසක් සමග සුහද පිළිසඳරක නිරත වූ දෙවන අවස්ථාව මෙය වේ. 2019 වසරේදී ද වසන්ත උත්සවයට පෙර ඔහු බෙයිජිං නගරයේ නිරීක්ෂණ චාරිකාවක් සිදු කිරීමේදී කුරියර් සේවක පිරිස වෙත අලුත් අවුරුදු සුබ පැතුම් පිරිනමමින් ඔවුන් ‘උද්යෝගිමත් මී මැස්සන්’ ලෙසින් ද ආදරණීයව ආමන්ත්රණය කර ඇත.
