චීන උප අගමැති Ding Xuexiang මහතා සහ එක්සත් අරාබි එමීර් රාජ්‍යයේ උප ජනාධිපති Sheikh Mansour bin Zayed Al Nahyan මහතා චීන-එක්සත් අරාබි එමීර් රාජ්‍ය ආයෝජන සහයෝගීතාවය සඳහා ඉහළ මට්ටමේ පළමු කමිටු රැස්වීමට ඊයේ(21) සම මූලිකත්වය දරමින් එක් වූහ.
චීන කොමියුනිස්ට් පක්ෂයේ මධ්‍යම කාරක සභාවේ දේශපාලන කාර්යාංශයේ ස්ථාවර කමිටු සාමාජිකයෙකු ද වන Ding Xuexiang මහතා, ද්විපාර්ශ්වික සහයෝගීතාවයේ වැඩි ප්‍රතිඵල ලබා ගැනීමේ දී කමිටුව ඉටුකරන ලද කාර්යභාරය පැසසුමට ලක් කළේය.
දෙරට රාජ්‍ය නායකයින් දෙදෙනා අතර පොදු අවබෝධයන් සහ චීන-එක්සත් අරාබි පුළුල් උපායමාර්ගික හවුල්කාරිත්වය ඉදිරියට ගෙන යාම සඳහා ආයෝජන සහයෝගීතාවයේ කාර්යක්ෂමතාව සහ පරිමාණය ඉහළ නැංවීමට චීනය, එක්සත් අරාබි එමීර් රාජ්‍ය සමග කටයුතු කරන බව ද ඔහු පැවසීය.
කමිටුව ඉදිරියට සාර්ථකව පවත්වාගෙන යාමේ භූමිකාවට දෙපාර්ශ්වය පූර්ණ දායකත්වය ලබා දිය යුතුය. එක් තීරයක් එක් මාවතක් මුලපිරීම යටතේ ප්‍රධාන ව්‍යාපෘති සැලසුම් කළ යුතු බවත් දෙරට අතර ස‍හයෝගීතා ක්ෂේත්‍ර පුළුල් කිරීමට මෙන්ම එම සහයෝගීතාව නව්‍යකරණය කිරීමට ව්‍යවසායන් දිරිමත් කළ යුතු බවත් Ding Xuexiang මහතා සඳහන් කළේය.
Sheikh Mansour මහතා පැවසුවේ එක්සත් අරාබි එමීර් රාජ්‍ය ද්විපාර්ශ්වික සබඳතා අගය කරන අතර චීනයේ ආර්ථිකය පිළිබඳව විශ්වාසය තබා ඇති බවයි. එක්සත් අරාබි එමීර් රාජ්‍ය චීනය සමග සහ‍යෝගතා වැඩි දියුණු කර, අන්‍යෝන්‍ය ජයග්‍රහණ මතින් හවුල් සමෘද්ධිය ප්‍රවර්ධනය කිරීමට එක් වන බව ද ඔහු පැවසීය.
