චීනයේ වෙන්චන්ග් අභ්යවකාශ නිකුත් කිරීමේ මධ්යස්ථානය සිය දසවන අභ්යවකාශ නිකුත් කිරීම සාර්ථකව සම්පූර්ණ කරයි. ඒ අනුව ප්රථම වරට වාර්ෂික නිකුත් කිරීම් ද්විත්ව සංඛ්යාංකයක් වාර්තා කළ මුල්ම අවස්ථාව මෙයයි.
ඊයේ (30) වෙනිදා නවීකරණය කරන ලද ලෝන්ග් මාර්ච් 7 රොකට්ටුව ආධාරයෙන් එම මධ්යස්ථානයේ සිට Shijian-28 චන්ද්රිකාව නිකුත් කෙරිණ. එය ලෝන්ග් මාර්ච් රොකට්ටු මාලාවේ 611 වන ගමනයි.
වෙන්චන්ග් අභ්යවකාශ නිකුත් කිරීමේ මධ්යස්ථානය චීනයේ ප්රථම ස්වාධීනව සැලසුම් කර ඉදිකරන ලද හරිත, පරිසර හිතකාමී, නවීන මධ්යස්ථානයකි. සෑම කාලගුණ තත්ත්වයක් යටතේ ම ක්රියත්මක විය හැකි නිකුත් කිරීමේ අංගන දෙකකින් සමන්විත එය, අධික බරකින් යුත් අභ්යවකාශ නිකුත් කිරීම් හැසිරවීමේ ධාරිතාවකින් ද යුතු වෙයි. 2016 වසරේ එය විවෘත කළ දින සිට අභ්යවකාශ නිකුත් කිරීම් 43ක් සාර්ථකව සිදු කර තිබේ. ද්රව ඉන්ධන භාවිතයෙන් ක්රියාත්මක වන විශාල රොකට්ටු නිකුත් කිරීමට ද එම මධ්යස්ථානයට හැකියාව පවතී.
