චීන ජනාධිපති ෂී ජින් පිං මහතා, කොරියානු කම්කරු පක්ෂයේ නවවන කොංග්රසයේදී කොරියානු කම්කරු පක්ෂයේ මහලේකම් ධුරයට යළි තේරී පත් වූ Kim Jong-un මහතා වෙත සුබ පැතුම් පණිවිඩයක් අද(23) යොමු කළේය.
කොරියානු කම්කරු පක්ෂයේ අටවන කොංග්රසයේ සිට, මහලේකම් Kim Jong-un මහතා ප්රමුඛ කොරියානු කම්කරු පක්ෂයේ මධ්යම කාරක සභාවේ නායකත්වය යටතේ, කොරියානු ජනතාව දැඩි උත්සාහයන් තුළින් කොරියාවේ සමාජවාදී ගොඩනැංවීම්හී නව සාර්ථකත්වයන් අඛණ්ඩව අත්කර ගෙන ඇති බව ෂී ජින් පිං මහතා සිය සුබ පැතුම් පණිවිඩයෙන් පැවසීය. කොරියානු කම්කරු පක්ෂය සහ උතුරු කොරියානු ජනතාව මෙම සම්මේලනය අවස්ථාවක් කර ගනිමින්, උතුරු කොරියාවේ සමාජවාදී අරමුණෙහි නව සාර්ථකත්වයන් අඛණ්ඩව අත්කර ගැනීම ප්රවර්ධනය කරනු ඇතැයි ද ඔහු අපේක්ෂා පළ කළේ ය.
චීන හා උතුරු කොරියාවේ සබඳතා පවත්වා ගැනීම, තහවුරු කිරීම සහ සංවර්ධනය කිරීම චීන කොමියුනිස්ට් පක්ෂයේ සහ රජයේ නොසැලෙන ප්රතිපත්තියයි. දෙරටේ මිත්රත්වයේ නව පරිච්ඡේදයක් ලිවීමට සහ කලාපීය හා ගෝලීය සාමය, ස්ථාවරත්වය, සංවර්ධනය සහ සමෘද්ධිය ප්රවර්ධනය කිරීම සඳහා ධනාත්මක දායකත්වයක් ලබා දීමට Kim Jong-un මහතා සමඟ කටයුතු කිරීමට තමා කැමැත්තෙන් සිටින බව ද ෂී ජින් පිං මහතා වැඩිදුරටත් ප්රකාශ කර ඇත.
