ඇමරිකාව යුරෝපා සංග‍මයෙන් ආනයනය කෙරෙන භාණ්ඩ සඳහා 25%ක තීරුබදු පැනවීමට තීරණය කර ඇති අතර එය “ඉක්මනින්” ප්‍රකාශයට පත් කෙරෙනු ඇතැයි ඇමරිකානු ජනාධිපතිවරයා පවසයි. ඇමරිකානු ජනාධිපති Donald Trump මහතා ඊයේ(26) ධවල මන්දිරයේ දී මාධ්‍ය වෙත මේ බව සඳහන් කරමින් පැවසුවේ, එම 25%ක තීරුබදු අනුපාතය, මෝටර් රථ සහ වෙනත් විවිධ භාණ්ඩ සඳහා අදාළ වනු ඇති බවයි. යුරෝපා සංගමය සහ ඇමරිකාව අතර පවතින වෙළෙඳ හිඟය ඇ.ඩොලර් බිලියන 56ක් පමණ වන බව මීට පෙර ඇමරිකාවේ POLITICO පුවත් ජාලය වාර්තා කර ඇත.
මේ අතර, ඇමරිකානු ජනාධිපතිවරයාගේ තීරුබදු පැනවීමේ ප්‍රකාශය පිළිබඳව, නිදහස් වෙළඳාම හා සාධාරණත්වයට එරෙහි වෙළඳ බාධවන්ට එරෙහිව, යුරෝපා සංගමය වහාම දැඩි ප්‍රතිචාර දක්වනු ඇතැයි යුරෝපා කොමිසම ප්‍රකාශ කළ බව රොයිටර් පුවත් ඒජන්සිය වාර්තා කර තිබේ. යුරෝපා සංගමය ලොව විශාලතම නිදහස් වෙළඳපොලයි. එහි පැවැත්ම ඇමරිකාවට වැදගත් වටිනාකමකින් යුතු බව, යුරෝපා කොමිසම සඳහන් කළේ ය.
